In het Eilandennieuws van 9 november j.l. schrijft Maartje van Melissant het volgende:
Bestemmiengsplan De Plaete
Voor et bestemmiengsplan van Durpsgebiejd De Plaete
heit Stichting Dorpsgezicht ’n lieste opgemaekt
van diengen die ze in d’r waerde wille laete
Mar dat is deur de raed geliek al ofgekraekt
De stichtieng was et bokje, kreeg ze uutgemete
Ze had van ielek pand dat op d’r lieste staet
dat an de huusbezitters motte laete wete
voordat ze deze visie voorlei an de raed
Is dat de gang van zaeken die is voorgeschreve
voor wie ’n visie heit op ’n bestemmiengsplan?
Jae, mot je wete’k wie voorof bericht gae geven?
Ik vinde dat mar vreemd in dienke’r ’t miene van
In waerom wier die stichtieng zo de les geleze?
Ze doewt wat de gemêênte laete lègge heit
Zo’n lieste had er toch al lange kenne weze
bie iejtwat progressiever ruumtelek beleid?
Wellicht heit Oôstflakkee nog niet zo goewd gekeke
naer wat van waerde is voor ’t Plaetse durpsgezicht
in mot de raed de hand in eige boezem steke
voordat die aore mènsen van verzuum beticht
Mar goewd, m’n motte toch mar niet ontmoewdegd raeke
Ik dienke dat et noe ’n kwestie is van tied
’n Eilandbrêêje raed ken’t ommers strak nie maeke
M’nheerse wel beschèrremd in De Plaete niet
Maartje van Melissant